Kaupapa: Kapa Haka

Kua tīmata mārika mai a Pōneke i ngā whakataetae kapa haka ā-rohe

Heeni Brown
  • Te Whanganui-ā-Tara

Ko te tuatahi o ngā whakataetae kapa haka ā-rohe, tērā i tū inanahi, arā ko te Whakataetae ā-rohe o Te Whanganui a Tara.

E iwa ngā kapa i tū, o ēra kapa e iwa, ko ngā mea e toru o runga ka whai urunga tōtika atu ki te whakataetae nui a tēra tau.

Ko ngā reo anahera o Ngā Taonga Mai Tawhiti ērā ka ahu whakamua hei toa mō te rohe.

Hei tā Ani Morris, “Ko te mea kē, kua noho tahi mātou mā tēra mā te whakaharatau e hia kē ngā tau tekau tau mō mātou i tīmata ai tēnei rōpū.”

Ngau tonu ana te mamae ki ngā whatumanawa a Ngā Uri o Tamarau i te matenga ohorere o Paora Richards, he toru tekau mā toru tau te pakeke, ka mate a Paora i a ia e aru kaimoana he kotahi wiki ki muri.

Ka anga whakamua rātou ki Te Matatini mō te wā tuarua.

Horekau he kaupapa i tū atu i ngā raru o te kōhanga reo hei waha mā Tū Te Maungaroa.

Nā te tokomaha o ngā kaitautoko o tēnei hui, kāore e kore ka taetae mai a tini me mano ki ngā whakataetae ā-rohe o Ngāti Kahungunu me te Tau Ihu o te Waka ka tū hei te rā o Waitangi.