Kaupapa: Ngāpuhi

Kua tīmata ake te Ahurei o Ngāpuhi ki te whakaaturanga toi a Te Pū o Te Wheke

  • Te Tai Tokerau

Rere ana te reo pōhiri o Ngāpuhi, ki nga ringa toi maha, i takoha mai a rātou taonga, ki te Whakaaturanga Toi o Te Ahurei o Ngāpuhi e karangatia ana ko Te Pū o Te Wheke.

I tāti Te Ahurei nui o Ngāpuhi i te tau 2006, ā, kua waru tau ināianei te wāhanga whakaatu i ngā toi ataata, e whakahaerehia ana.

Ko ngā ringa toi maha nō ngā tōpito o te motu, o te ao anō hoki ērā i wānanga, i mahi tahi kia oti a rātou taonga nei mō tēnei whakaaturanga.

Hei tā Colleen Waata-Urlich, tētahi o ngā kaiwhakarite o Te Pū o Te Wheke, ko te whakatōpūtanga o ngā mahi, kua puta hei whakaaturanga mīharo rawa atu, ā, me uaua ka kite i te kounga pēnei o ngā mahi a ngā tau kei te heke.