Kaupapa: Iwi Settlements

Kua tau tētahi haerenga roa ma Te Aitanga-a-Mahaki

Aroha Treacher
  • Te Tai Rāwhiti

Kua roa nei a Te Aitanga a Mahaki e noho taumaha ana i a rātou e ngana ana ki te whakatau i o rātou kereme, te iwi whakamutunga i Turanganuiakiwa.

Hei tā Pene Brown, “Ko te whakaaro ināianei, kia whakahoungia te mana kōkiri, kia whakatau i ngā kereme nātemea, kua roa nei mātou e tatari ana.”

I tukuna ngā kereme tuatahi i ngā tau iwa tekau mā tahi, iwa tekau mā rua e John Ruru.  Otira, i raro i te kawanatanga Reipa o te wā i tāmokohia e rātou he whakaetanga mātāpono i te tau rua mano mā waru.

I tēnei wā he whitu tekau mā rima ōrau katoa o te mahi whakatau kua oti, ko te hiahia ināianei, te haere whakamua.

Hei tā Mita Brown, “Ka tāea e Te Aitanga a Mahaki te whakahōutia i a rātou anō, otira, e rua ngā hapū e whakapono ana he iwi rātou.”

Ko aua hapū ko Ngāriki Kaiputahi me Te Whānau a Kai. Ko tā Te Aitanga a Mahaki kōrero, ka tautokohia aua hapū e rātou kia kōkiri ai rātou i runga i te wairua kotahi.