Ngā kaupapa: Education, Entertainment

Kua tau te Tāhuhu Rangapū ō-mua o Whakaata Māori ki tōna kāingarua

  • Waikato/Te Waiariki

Kua tau atu te Tāhuhu Rangapū ō-mua o Whakaata Māori, ki tana kāingarua, ki te toi whenua o Te Wānanga o Aotearoa, kei roto o Te Awamutu.

Kua takoto te manuka, ā, kawea ake ana te wero, e te Tumu Whakarae hōu o Te Wānanga o Aotearoa.

Ko Rongo Wetere te tumuaki tuatahi, te kaiwhakatō hoki i te kākano.

Whai muri iho ko Bentham Ohia, te pouhere i ārahi nei i te kaupapa mō ngā tau e whitu.

Nō te rā nei, ka tapaina hoki rā he taitara hōu, ki a Jim Mather e ngā ahikāroa o Te Wānanga o Aotearoa.

Hei tā te kaunihera o Te Wānanga o Aotearoa, koa katoa ana rātou kua uru mai a Mather, me ōna pūkenga maha ki te pīki tūranga nei. 

Hei tā te heamana o Te Wānanga o Aotearoa, ka waihanga te Taiurungi i tētahi rautaki, e 90 rā te roa kia kite ake, ka ahu pehea nei te waka o Te Wānanga o Aotearoa i raro i ngā ārahitanga a Jim Mather.