Kaupapa: Environment

Kua tata mate katoa ngā tipu Māori i Te Matau a Māui

Aroha Treacher
  • Te Tai Rāwhiti

Tata ki te iwa tekau ōrau o ngā tipu Māori i Te Matau a Māui kua whatungarongaro nā te mahi tukino ki te taiao i te rohe. Nā kona e mate ana te ahurea me te tuakiritanga o te iwi Māori ki reira.

"E mate ana te Māori nātemea e kore e tāea rātou te kohi kai i tō rātou kapata kai o mua, tē tāea te kaukau i ngā awa, mei kore ake te āwhina o te Māori tē tāea te whakatutuki i te mahi," tā Charles Daugherty, Biodiversity Hawke's Bay Foundation Chairman.

Ko tā Daugherty e iwa tekau ōrau o ngā tipu Māori i Te Matau a Māui kua mate, nā te korenga i pokea ai te wai, te hau, i ngahoro marika ai te whenua, i pā hoki te māuiuitanga.

"Ia tau i whakapaua e te kawantanga he $2 piriona taara ki te whakakore i ngā ngaki, ko te whainga matua kia whakakore i ngā paihama, me whakatō anō i ngā tipu Māori, kia ora anō te hunga ora."


Ki te whakaora i te taiao Māori nei i te rohe me whakatō anō ngā tipu Māori maha.

"Ko te mea nui i ngā rā i pahu ake nei ka tū ngā māori anake ki te mahi i ngā mahi ngā āhua pakeha ka tū rātou ki te mahi i ngā mahi i tēnei wā ka mahi tahi tātou katoa mō tērā," tā Des Ratima, Trustee Hawke's Bay Biodiversity Trust.
 
E ono tekau ngā rōpū e mahi tahi ana hei kaitiaki taiao kia whakarauora anō ai te taiao māori nei o te rohe.