Kua tāpiri te reanga rangatahi ki te huihuinga mō ngā Rangatira-ā-Iwi

  • Te Tai Hauāuru

Kei Whanganui te huihuinga mō ngā Rangatira-a-Iwi, ā, kua hua mai te whakaaro, kia tāpiri i te reanga rangatahi ki tēnei kaupapa. 

Kua whai wāhanga te reo o te Rangatahi, ā, e whakarongo ana ngā rangatira o te wā.

Hei tā Matariki Cribb, “He reo ki runga i ēnei tēpu, Ki ēnei o ngā kaupapa, kia taea e rātou te hōmai ngā whakaaro, ngā aria mō ngā kaupapa ka kōrerohia.”

He kaupapa i whakatōhia e Te Kāhui Rangatahi me te rōpū Rangatira-a-Iwi, kia ārahi te reanga taiohi i ngētehi mahi kakama, kia puāwai ngā reanga e rua.

E ai ki a Ngā Rauira Pūmanawawhiti, “He āta titiro, he āta whakawhiti kōrero ki ngā rangatahi o te motu, me pēhea ai, tō tatou whenua o Aotearoa nei e whakahaerengia, ā, he aha hoki ngā āhuatanga, ngā mātāpono.”

Kua tīmata ngā rangatira o āpōpō te whakarite i te rā nei.

Ki tā Ngā Rauira Pūmanawawhiti, “Ko te hua nui pea i puta mai i tēnei o ngā hui he ata tūtakitaki atu ki era o ngā rangatira o āpōpō, ki ahau nei i tae mai āpōpō inanahi nei.”

Ka whakaritea e Te Kāhui Rangatahi i te hui Rangatira-a-Iwi ki Waikato-Tainui, hei whakatinana i ngā whainga o tēnei huihuinga.