Ngā kaupapa: Crime, Housing

Kua tangohia he tono panaia e te Kaunihera o Ngāmotu

  • Te Whanganui-ā-Tara

He kai-penihana māuiui a Eric Brewer kua whiwhi pānui i Te Kaunihera e whakahau ana kia whakawātea ia i tōna whare whakamarumaru i te one o Tapuae.

Heoi, e whitu tekau ō-rau o te hapori kua tuku pōti whakaae, kia waiho a Brewer ki reira.

Ko tona tikanga ka whakawatea a Eric Brewer i tona whare i te ra nei, engari kua whakaae te kaunihera kia noho tonu ia i reira.

I te rua tekau o Poutū-te-rangi, i whiwhi pānui ia i Te Kaunihera e whakahau ana kia whakawātea ia i tōna wharau i te one o Tapuae hei te toru karaka i te ahiahi i tenei ra.

E ai ki tona whānau, me etahi mema o te hapori, he tangata humarie, ngawari hoki, ā kua whakahe rātou ki te whakatau kia panaia ia i tona turangawaewae

Kua rongo whanuitia te ao tenei raru, a ko te whakapae a etahi, kua noho whakaiti te Kaunihera ki nga hiahia o ētahi kainoho o tētahi hapori whairawa tatangia ki te one.

Kua whakamohio atu te Kaunihera ki te Whare Kaporeihana whare i te tuāhua o Eric, engari ka noho muna rātou tae noa ki te wā e whakamohio atu a Eric i āna hiahia ki a ratou.