Kua Taka Mai Ngā Hua

  • Tāmaki Makaurau

Nō ēnei rā whakatā haruru anō ai ngā rino hōiho a te Roopu Mākarakara eke Motupaika, i patua te rori hei tohatoha i ngā putea i kohia ake mai i te haerenga tuatoru o te Poker Run i tū i tērā marama.

Tuatahi tonu ko te Hōhipera Mate Tuara o Tāmaki Makaurau tērā i whakawhiwhia ki te haki toru mano rima rau tāra te nui, me te tino harikoa a ngā kaiwhakahaere o te hōhipera e taikaha nei ki te tauawhi, ki te whakarauora hoki i ngā tūroro kua pokea i ngā mamaetanga o te mate tuara.

Whai muri mai ko ngā kaiwhakahaere o te Waka Topatopa Whakarauora Tangata a Westpac Tāmaki Makaurau, i whiwhi i te haki toru mano, rima rau anō hei awhina i a rātou mahi.

Tēra te kī a tetahi o ngā kaimahi, "pau te kaha o ngā whakamihi, me ngā whakawhetai mo ngā tautoko kua taka mai i ngā kaieke motupaika o te roopu Mākarakara arā Iron Thunder."

Ko te Iron Thunder Annual Poker ka tū ia tau, nā reira kei te titiro te aro inaianei ki te tau hōu, ā me ngā whakaritenga mo te 2017 e matapaetia ana ka tino nunui atu tōna tipu, ka tino whānui rawa atu tōna torotoro ki te ao eke motupaika o te motu.