Kua rua tekau tau a Horse of the Year e haere ana

Aroha Treacher
  • Te Tai Rāwhiti


Kua rua tekau ngā tau te whakataetae eke hoiho taiea rawa o te motu ara ko Horse of the Year e tū ana ki  Te Matau a Māui. I tōna orokohanga e waru tekau noa iho ōna hoiho, heoi kua tipu taua nama ki te kōtahi mano waru rau.

Kua mōhiotia whānuitia koinei te whakataetae eke hoiho taiea o te motu, he kaupapa nui rawa ka tū ia tau.
 

"He toru mano ngā tāngata e noho ana ki te wāhi puninga nei, kei kō atu i te 1800 ngā hoiho me ngā 1400 kaieke hoiho hoki," tā Dave Mee.


Nā te nui o ngā hoiho e haere mai ana i ngā rā e ono, he nui hoki te mahi whakapaipai i ngā hamuti hoihō ka waiho iho ki te papa. 

"Mō te roanga o te kaupapa nei he 120 tana o te hamuti hoiho i kohia, e rima ngā haora te roa ki te mahi i te mahi," tā Stefanie Ryan.

E whitu mano ngā wahanga kua whakaurua e ngā kaieke hoiho, e matapaetia ana hoki he tekau mā rua ira miriona taara i whāngaitia ki te ōhanga o Te Matau a Māui.

"Kua tipu mārika te whakataetae nei, tē tāea te uru mai ētahi atu anō tāngata ki te waahi nei," tā Mee.


I ahu mai ngā kaieke hoiho rongonui nō tawaahi nō te motu whānui anō hoki, heoi ehara i te mea tēnei mā te ihumanea anake tēnei tauwhāinga, engari kē he wahanga mā ngā tamariki anō hoki.