Kua rite te maunga o Te Mata mo tētahi wāhi manaaki manuhiri

Aroha Treacher
  • Te Tai Rāwhiti

Ko te maunga o 'Te Mata', e mohiotia whanuitia ana ko "tupua moe roa", tētahi o ngā wāhi tino tapu rawa atu i te rohe o 'Te Matau a Maui'.

I te ata hapara nei tu ai tētahi hui kia whakawāteahia ai te wāhi tapu nei, kia rite ai te whakatūtanga o tētahi whare mātauranga, whare turuhi hoki.

Hei tā Jerry Hapuku, “E whakaturwhera ana te whare hou, o tēnei te matauranga i ngā kōrero ngā hitori o ngā tipuna ngā pakiwaitara ngā purakau he pai.”

He wha rau putu te teiteitanga o te maunga nei ki runga ake i te moana, a ōpeti hoki ana ngā kainoho me ngā turuhi ki te tihi kia kite ai i ngā kitenga miharo.

Heoi ano, ki te kore ngā haukainga i whakaae ki tēnei kaupapa tē taea te whakarewa.

Nō reira, i mahi ngātahi te tarahi o Te Mata me te Taiwhenua o Heretaunga.  Ka mutu, nā rātou te pūrongo ahurea i whakahaere.

E rima ngā tau e tāruke ana rātou ki te whakatutuki i te moemoea, a he toru miriona taara neke atu i kohia e te tarahi engari kei te whai putea tonu.

Ko te tumanako ka timata ngā mahi ki te whakatū whare ki waenganui i te tau e heke mai nei.