Kua rite a Tāmaki mo te Tōnamana Rīki Māori Rangatahi

Rahia Timutimu
  • Waikato/Te Waiariki

E hīkaka ana te kapa o Tāmaki Makaurau kei raro ngā pakeke i te tekau mā whitu tau, i te hokinga a te kapa ki te whakataetae rīki Māori mō te hunga rangatahi o Aotearoa.

Hei tā Tuteauru Maipi, “He tino pai tēnei kapa, kua whakakotahi i ngā kaitakaro no tamaki, kua tono atu he inoi ki ētahi o ngā kaitakaro no wahi ke hoki, pera ki te nōta, ki Ahitereiria.”

Ka here a Tuteauru Maipi i ōna pūtu mo Tāmaki Makaurau i tēnei tau, whai muri i tana tākaro mō te kapa o Waikato i tēra tau.

“Na taku hokinga ki waikato takaro me aku whanaunga aku matua keke e whakahaere ana i te rōpū i te tima, i kī au ko au tena he uri no Tāmaki Makaurau i au e noho ana ki konei na reira he pai ki te takaro i te taha i aku hoa.”

Mai te tau rua mano kua whakahaerehia te whakataetae nei, ā, kua piki ngā nama o ngā kaitākaro i ngā tau. I tēnei tau, e iwa ngā kapa kei raro ngā pakeke i te tekau mā whitu tau ka tākaro i mua i ētahi māngai motuhake.

Hei tēnei Rāmere hāere ai te tira ki Rotorua, ki te whakareri mō te whakataetae ka timata hei tēnei Rāhoroi.