Kua rite pai tētahi kaiwhakawhena uaua o Te Matau a Māui mō te kaupapa Mr Universe

Aroha Treacher
  • Te Tai Rāwhiti

He kawe i te mana o Aotearoa ki te whakataetae o Mr Universe te mahi a Aaron Vaisigano nō Te Matau a Māui, whai muri i tāna wikitōria i te wāhanga Mr New Zealand Physique i te whakataetae a te Uniana Whakawhena Uaua Rehe i tēnei tau.

I tōna tau tekau mā rima, nā tana tāpotopoto ki te purei poitūkohu, i hiki maitai ia kia whakakaha i a ia anō, i taua wā i puare ai te ao whakapakari tīnana.

Huhua ana ngā taitara toa kua riro i a ia, nā, ka haere atu ia ki te whakataetae Mr Universe i ngā Whiripīna hei tērā marama.

I te tau rua mano mā whitu kāore ia i te hiahia hiki maitai, i piki tana taumahatanga mā te rima tekau kirokaramu, nā te toromitanga o tana teina.  Nā whai anō, ka whakahōnoretia tana teina ki atamira ki tāwāhi.

Nā, e whā ngā whakataetae kua wikitōria i a ia i tēnei tau noa, nā ko te whai, kia whai tōna wikitōria tuarima ki Mr Universe.