Kaupapa: Raggamuffin

Kua rite pai a Rebel Souljahz ki te tū ki Raggamuffin

Wepiha Te Kanawa
  • Waikato/Te Waiariki

Whai muri i te whakapau kaha ki te whakaputa kōpae hōu, he kaupapa mīharo kei te haere mo Rebel Souljahz.

Kua whai māngai tautoko hōu, kua whai mema hōu anō te kapa reggae no Hawai'i a Rebel Souljahz, ā, kua rite pai rātou ki te eke ki te papa tū waewae o Raggamuffin.

E ai ki te rōpū kua whakauru te kaiwaiata hōu a Tunes i tētahi wairua hōu.

“Nā te piringa o Tunes kua kaha tipu tā mātou momo waiata me te āhuatanga o te rongo, kei reira tonu te kiko o Rebel Souljahz hoki, engari kua whakapuāwai.”

Kua tata ki te toru tau nō tā rātou taenga whakamutunga mai ki Aotearoa, ā, e ai ki te rōpū harikoa katoa ana rātou ki te tū ki Raggamuffin.

Ko tū ihiihi mai rātou ki te papa tū waewae i Rotorua.

Whāia te rōpū Rebel Souljahz mā tō rātou whārangi pukamata, tirohia rānei tētahi o ā rātou waiata rongonui nei, a Gotta Know Your Name ki runga i a You Tube.