Kaupapa: Christmas

Kua rite a Manurewa ki te hautū i tētahi kai mo te Kirihimete

  • Tāmaki Makaurau

Heoi kua toka ake te whakāro kia whakatūhia he hākari mo te hapori o Manurewa, a te rā kirihimete ano, me te mihi hoki ki ngā kaiwhakahaere mo tēnei whakāro tino rangatira, kia riro ma te marae e awhi te kaupapa.

Hei tā George Ngatai, “Ko ta matou nei hiahia kia whakatū hoki i tēnei kaupapa i roto hoki o Tāmaki ki te Tonga, ki te awhi ki te manāki i ngā whanau, kaore rātou he kai, kaore ratou he whānau hei tautoko hoki i tēnei kaupapa o te kirihimete, te whanautanga o Ihu Karaiti.”

Ka timata ngā whakahaere o te rā kirihimete ki te marae o Manurewa hei te tekau ma tahi karaka, ko te hākari ka hora hei te tekau ma rua, he maha ngā mahi hei whakaharikoakoa i ngā tamariki mokopuna.

Ko ngā kaimahi o te marae o Manurewa, tae noa ki ngā mema Poari, ngā kaitiaki hoki, ka tae mai ki te mahi i ngā mahi, kia tino kitea te harikoa a ngā whanau ka hāere mai ki tēnei rā whakanui.