Kua reri te karapu Redhill Rocketz mō te whakataetae ā-motu mō ngā karapu papatākaro

  • Tāmaki Makaurau

Rahi ake i te toru rau rima tekau ngā kaitākaro poiuka nō ngā karapu rua tekau mā rua huri noa Aotearoa e whai wāhi atu ana ki te whakataetae ā-motu mō ngā karapu ki te papatākaro Rosedale Park ki Te Raki Paewhenua i tēnei wiki.

I tūtaki atu a Te Kāea ki tētahi kapa hou nō te tonga o Tāmaki. 

He mahi nui kia whai wāhi ki tēnei whakataetae mā te karapu Redhill Rocketz engari rite i roto i ō rātou kākahu hou.

E rima tau noa te pakeke o tēnei karapu, koinei tā rātou kuhunga tuarua ki tēnei whakataetae engari hei tā te kaiako a Carlaus, he oranga pai te karapu ki te nuinga.

Tokorua o ngā mahuri totara o te kapa i whaia kētia e te kapa Junior Blacksox engari he tuatahitanga tēnei mā rāua ki te uru atu ki tēnei tātāwhainga ki waenga i ngā toki poiuka o Aotearoa.

Ā, he tino porowhiri hoki ki a rāua, i tūtaki atu te tira Rocketz ki te kapa toa o tērā tau, ki te kapa Ramblers.

Ahakoa he mea nui te wikitōria, ko ngā wheako me te putanga atu ki ngā kaitipako kē ngā hua.