Kua raru anō a Serco

Heta Gardiner
  • Tāmaki Makaurau

Tokorua ngā mauhere o te Whare Herehere o Mautini kua mauheretia i te pāhuatanga o ngā whare tini o te kēnge Head Hunters a ngā Pirihimana i te ata nei.

He āpititanga tēnei ki ngā pōraruraru kua ngau i te mana o te kamupene whakahaere i te whare herehere, o Serco, nō tōna whakatūnga ki te wera mō ētahi whakaahua i puta ki te pae ipurangi YouTube, mō ētahi huinga whawhai i roto i te whare herehere.

Kua kapohia ake e Te Ara Poutama ngā whakahaere o te whare herehere me tā te Minita Ara Poutama, tā Peseta Sam Lotu-Iiga mea ake, ka tirotirohia ēnei āhuatanga hou i roto i te arotakehanga o Serco.

Kei a Heta Gardiner te whānuitanga o ngā korero, Te Kāea, 5.30pm.