Kua puta te pukapuka tuarua a PJ Shepherd

Aroha Treacher
  • Te Tai Rāwhiti

Ko Parehuira Shepherd, rua tekau mā toru ōna tau, he kaitito pukapuka mō te hunga rangatahi, kei te rongo tōna ingoa i te ao tito pukapuka me te ipurangi hoki, whai muri i te putanga o tōna pukapuka Where Creatures Hide hei pukapuka makau mō tēnei tau.

I pau katoa āna pukapuka tuatahi a Where Creatures Hide ki te ipurangi Amazon, a ka puta tāna pukapuka tuarua, Where Puppets Hide, e kōrero ana mō te kotiro i hokona e te papahako.

"E hiahia ana au ki te tuhi mō tētahi tangata e noho taumaha ana anō nei he mauhere, ko tāna e hiahia ai, kia makere i ngā here," tā Shepherd.

Kāore ngā kamupene whakaputa pukapuka i te hiahia ki tana pukapuka, nā reira i huri ia ki te pae pāpori ka whakaputa ki reira.

"He ao nui a Bookstagram a Instagram hoki i reira te nuinga o āku kaitaunaki, nā kona i huakina ai ngā kuaha mōku."


Kei te tuhi ia i tana pukapuka tuatoru, ko te whainga, kia oti ai ngā pukapuka e rima.