Kaupapa: Entertainment

Kua puta te kōrero tika ā tētahi tangata, whai muri i te putanga whānui o tōna ataata pahū wai i te ipurangi

updated Te Kāea
  • Te Whanganui-ā-Tara

Kei ngā manomano te rahi o te hunga e ngākaunui ana ki tētahi ataata i runga i tā mātou whārangi ipurangi, o tētahi tangata i mahi i te pahū wai e kīa nei, ko te "Manu" i Te Whanganui-a-Tara. Nā te nui o tāna pahū, i puta a Te Kāea ki te kimi i te tangata, ā, kua kitea. Heoi, kaare ētahi i te whakapono atu, ko ia te tangata. Nā reira i toro atu mātou ki a ia ki te whakatūturu i tāna mahi.

Mō Tamati Mikaire kāore kau he raruraru mō ngā mahi tiketike.

Toru tekau tau te pakeke o Mikaire nō Manaia, ko tōna pahū "Te Manu" e pōrutu ana ki te ao ipurangi. He pahū e whakaatu nei i te hanga o te manu e rere ana.

Nā te kaihana o Wekaire i whakaata te pahū Manu, i te huinga o tōna whānau ki te wāpu o Queens i Te Whanganui-a-Tara.

I tuku ake te whakaata ki YouTube, kātahi ka tere kitea ki ngā pāpori pāpāho maha o te ipurangi. I tohatoha a Te Kāea i te whakaata mā runga i tāna whārangi ipurangi me te pukamata, neke atu i te whitu rau i tohanga.

Ahakoa tūturu te whakatau o Mikaire nāna i mahi i te pahū i roto i te whakaata, engari kua rongo i te reo o rangirua.

Ka whakaaturia e Mikaire te tika mā te pahū manu me tētahi poirewa. Kia mātua mōhio te iwi ko ia tērā.