Kua pupū ake ano te tautohe kura hourua ki Te Taitokerau

Dean Nathan
  • Te Tai Tokerau

Ko te whakatuwheratanga o ngā kura hourua ki tēnei rohe he kaupapa e whakararata ana i ngā kaiarahi a iwi.

I tēnei wa kei te weherua ngā whakaaro o tena kura o tena kura o Whangarei mo te tautoko i ngā kura hourua i runga hoki te tono a Te Wehengarua ara te PPTA ki ana mema kia kaua rawa rātou e tautoko.

Ahakoa tana aki I ngā kaiarahi-a-iwi o te motu kia tautokotia te kaupapa o ngā kura hourua ko te tino hiahia o ngā poari me ngā tumuaki o Whangarei kia tae a tinana mai te minita a Hekia Parata ki konei kit e whakamarama mai he aha pu te rautaki mo ngā kura hourua ki tēnei rohe amuri nei.

He ta Peter Garelja, he take tēnei e tohe tonutia ana na te kaha kuare a te iwi ki te kaupapa.

Ko tā Haami Piripi o Te Rūnanga o Te Rarawa, “Kei a matou ngā iwi te huarahi kia whai mai a matou tamariki hei oranga mo tatou katoa kua oti kē te wa mo ngā kura tawhito me te whakāro tawhito.”

E upoko maro ana ngā kaikokiri hei te tauhou tuwhera ai ngā tatau ki ngā kura hourua o tēnei rohe.