Kaupapa: Australia

Kua puku te rae o te hunga e tautoko ana i te Iwi Moemoea i te tāenga mai o Tony Abbot ki Aotearoa

  • Ahitereiria

Hei āpōpō ka tau mai te Pirimia o Ahitereiria a Tony Abbott ki Aotearoa, heoi ehara i te mea ka rāhiritia mārikatia ia.

Kua rere arorangi te whai a te Kāwanatanga o Ahitereiria kia aukatihia ētahi hapori iwi moemoeā kotahi rau rima tekau, nā whai anō te hunga porotēhi e whakatika ana i a rātou anō kia rongo ai a Abbott i ngā whakahē o konei.

He huihuinga ngahau, kohikohi whakāro, whakaemi pūtea hoki, i tū ki Tāmaki Makaurau i te rā nei, me te whakapono a tētahi o ngā manuhiri kaikorero, a Marama Davidson.

Hei tā Marama Davidson, “Me hāere ki aia, me kohete ki aia o tātou whakāro o tātou hinengaro ki a rātou ngā iwi tangata moemoeā ko tēnei te wā ki te tū ki mua iaia te Pirimia ko Tony Abbott me tū ki aia, ae.”

Hei apōpō, ka tae ake a Tony Abbott ki Aotearoa, ki konei whakanui ai i te rā whakamaumahara ki ngā hōia o ANZAC.