Ngā kaupapa: Entertainment, Indigenous

Kua pōwhiritia te kaiwhakāri rongonui e te haukainga o Waiwhetu Marae

  • Te Whanganui-ā-Tara

Kua pōwhiritia te kaiwhakāri rongonui e te haukainga o Waiwhetu Marae, a Saginaw Grant, he uri o ngā iwi taketake o Āmerika.

I tae mai a Grant, he whitu tekau mā iwa ōna tau, ki Āotearoa mo te huihuingā Armageddon, ā, e waimarie ana a ia ki te tūtaki i te iwi Māori ki Te Whanganui ā Tara.

I te ua, me te hau makariri, i whakakotahi ai ngā iwi e rua ki te whenua taurikura nei o Waiwhetū.

Kāre e kore kua kite ake koe i nga kiriata e pa ana ki nga iwi taketake o Āmerika, na reira pea mōhio ai koe ki tēnei kanohi a Saginaw Grant, he ika a whiro i te ahumahi kiriata i Hollywood.

E ai ki a Saginaw nōna te maringanui ki te tūtaki atu ki ngā iwi puta noa i te āo.

Heoi mō te hunga kainga nei o Waiwhētu he kanohi kitea, he hokinga māhara.

Ka tū a Saginaw ki te huihuinga Armageddon i Te Whanganui a Tara hei te wiki e kainamu mai nei.