Kaupapa: Entertainment

Kua poroporoaki ā Whakaata Māori i a Jim Mather

Heeni Brown
  • Tāmaki Makaurau

Kua iwa ngā tau a Jim Mather e ārahi ana i a Whakaata Māori hei tāhuhu rangapū, nö te rangi nei, ka poroporoakitia a ia e ona hoa-mahi.

E whakawhiti atu ana te uri nei o Ngāti Awa ki te tūranga whakahaere i Te Wānanga o Aotearoa. Ka mutu, ko te pātai e tārewa tonu ana, kei hea Te Poari Matua o Whakaata Mäori e tau ana ki te kimi tāhuhu rangapü höu?

Maringi katoa ana nga mihi a tena a tena ki a Jim Mather. Ko ētahi na Te Poari o Whakaata Maori ake

Ko ngā kupu a Jim Mather ki te Poari kia tika te tuwhiri i te tāhuhu rangapū hou.

Inaianei ka wehe a Jim i teenei kainga oona, katahi ka powhiritia e Te Wānanga o Aotearoa hei te Mane e tu mai nei.

Kīhai a Georgina Te Heuheu, heamana o Te Poari o Whakaata Māori, i whai wāhi ki te korero mai ki a Te Kāea mo te pātai, he aha kei mua kei te aroaro i te ara kōwhiri i te tumu whakarae hou mo te waka o Whakaata Māori? Engari i whai wāhi mai a Alan Witherington, te tahuhu rangapu o te wā.

E ai ki Te Putahi Paaho tētahi o ngā tino kaitiaki o Whakaata Māori, e whakawhirinaki tonu ana ratou ki te Poari Matua o Whakaata Maori mo ngā tikanga tohutohu i te tāhuhu rangapū.

Kihai a Willie Jackson i whāki he aha ke ēna rereketanga ki ngā whakahaere mo te taha tohutohu i te tāhuhu rangapū, heoi ko te tumanako, aianei ake tatou ka marama.