Kua piki anō ngā mahi rapu i te kairuku kua ngaro i te Tai Tokerau

Dean Nathan
  • Te Tai Tokerau

Ka piki ngā mahi rapu i tētahi kairuku kua ngaro i ngā tai o Waipapa ki taumata kē i te taenga atu o te kapa ruku a ngā pirihimana ki taua one rā i Te Tai Tokerau i te rā nei.

Hei tā Cliff Metcalfe, kaikōrero mā ngā Pirihimana, “Kua kitea he karapu ruku anō i tēnei rangi kua tae ki uta.  Te āhua nei kei waho tonu ia hakoa kāore anō kua kitea e mātou."

Kua pau te rā nō te ngaronga o tātahi kairuku, he Māori e rua tekau mā rima ōna tau ki te moana i waho nei ā kahore anō kia kitea noa.

Nā te paki o ngā rā kua kii katoa ngā tahamoana i te iwi hararei na reira kahore he okiokinga mō ngā kairapu kaiwhakaora o te rohe.

Tērā, hoki te matapae a te kaiārahi o tēnei rapunga, e kore e mutu i konei a rātou nā mahi rapu tangata i tēnei raumati.