Kua piki ake te mana o Te Arawa i roto i ngā whakaritenga a te Kaunihera ā rohe

Mere McLean
  • Waikato/Te Waiariki

Kua timata tētahi huarahi hou mā Te Arawa kia mana ai tō rātou reo ki ngā kaupapa o Rotorua me tōna kaunihera ā-rohe.  He kaupapa tēnei e tautokotia ana e te mema Māori o Te Waiariki, a Te Ururoa Flavell.

Hei tā Te Ururoa Flavell, “I ngā tau kua hipa ko te komiti i whakaritea mai mō Te Arawa, he mea kore mana, kore niho e ai ki te titiro o ta te kaunihera, he aha e pērā ai taku kōrero, na te kore aro mai ki ngā whakatau i puta i roto i ngā tau mai tērā komiti. 

Ka tu tētahi poari hou mō te iwi, ka whakakore i te komiti tū o Te Arawa, kei raro i te kaunihera i tēnei wā.  Ka noho here kore tēnei poari hou tērā pea hoki ka puta ngā mahi mō tēnei poari hei te Hurae e tu mai nei. 

Ka whai wāhi hoki ngā mema o te komiti tū o Te Arawa ki te noho ki runga i ngā komiti kei raro i te kaunihera, e whai reo ai a Te Arawa ki ngā take maha o Rotorua. 

Rua tekau mā toru mano, whā rau ngā Māori e noho ana ki Rotorua, koinei te rohe tuawhā o Aotearoa mō te mātātoru o ngāi Māori. Ko te kōrero matua e rāngona ana, ki te whai hua te Māori, ka whai hua ano a Aotearoa.