Kua nehua a Waireti Walters i te rangi nei

Dean Nathan
  • Te Tai Tokerau

He wāhine rongonui i te ao Māori, a Waireti Walters, nō te rā nei ka tukua tōna tinana ki te kōpu o Papatūānuku.  Ko ia te kuini o Te Paatu, e rere ana ngā mihi mō Waireti Walters i tēnei tōna rā nehu.

Hei tā Ngawai Herewini, “Ka rongo tātou i te au o te hinga o tēnei o o tātou kuia o tātou whaea.  Nā te aha, ngā kokonga katoa o tea o Māori koi a tērā i roto.  I tautokohia ia te mea tika kia tautokohia.  Engari ki te kore ia e tautoko i tētahi mea, kīhai ia i pupuri i tōna arero. Mōhio tātou i pono ia ki te ao Māori.”

He wāhine tēnei i tupu ake i te wā kāinga engari i tangata mai ki roto o Tāmaki.

Hilda Halkyard- Harawira, “Ko ia tētahi o ngā rārangi wāhine tino rongonui o Aotearoa, pērā i te reanga o Whina Cooper, a Eva Rickard ko wai atu ko Whaea Emily (Latimer), ērā kuia katoa.”

He wāhine toa i tūnui ki te ao, nō te rā nei ka ngaro i te tirohanga kanohi.