Kaupapa: Health

Kua māwhero te tae o tētahi marae i Tāmaki ki te Tonga

Mānia Clarke
  • Tāmaki Makaurau
  • Waikato/Te Waiariki

Koianei te rā whakakore i te mahi tūkino a ngā tamariki ki ngā tamariki o Aotearoa, ā, ka kitea ngā tīhāte māwhero i te paepae o tētahi marae i te tonga o Tāmaki, hei whakaoho whakaaro i te hapori ki te aukati i te take nei.

He tīhāte māwhero te amorangi ki mua ki te marae o Te Manurewatanga o Tamapahore.

“Kia whakaatu ki te hapori kia whakaatu ki te rohe nei, kāre e pai, kāre e tika ki te patu i ō tātou mokopuna tamariki i roto i ngā kura, i ngā haukāinga hoki,” i mea atu a kaumatua, a Rangi McLean. 

Mauri Tū Mauri Ora kia tū kotahi tātou kia whakakore ai i te mahi tūkino te kaupapa e kōkirihia ana e ngā taiohi o Te Kaha o Te Rangatahi.

“Te whakaorangia te wairua me te hinengaro o te tangata,” i mea atu tētehi kaimahi, a Raniera Pene.

“Mō mātou ko te mea nui ko te aroha, mā te aroha ka puta te rangimārie, mā te rangimārie ka puta te whakamārama, mā te whakamārama ka taea e koe te tū kaha.”

E toru ira rua pīriona tāra te tahua putea ka tohua ki ngā take hauora. Wheoi, ka nui ngā āwangawanga ka kore pea ngā take nei e whiwhi hua, ahatia ko Aotearoa te motu tuarua i te ao mō te tūkino nei.

“Generally speaking those funds don't flow to the community groups that actually do make a difference like Te Kaha o Te Rangatahi or Mental Health Foundation who are working with our whānau around bullying,” ka kōrero atu te tumuwhakarae o Hapai Te Hauora a Lance Norman.

E manako ana te iwi kāinga ka kitea whānuitia ngā t-hāte māwhero kei te mau i a rātou i roto i ngā tikanga Māori i runga i ngā marae atu hurinoa i te motu hei taunaki i te kaupapa whakakore i te mahi tūkino.

“Kei roto ngā taonenui nei, te nui o ō tātou whānau e tūkinohia ana, e mahi kino nei i ō rātou tamariki, mokopuna. Kāore anake i roto i ngā kura. Ka mahi i roto i te kāinga, ka kawe wērā āhuatanga ki roto i ngā kura,” i mea atu a McLean.

Ka tū tētehi pō ngāhau me ngā kapa haka, kaikanikani, kaiwaiata hoki nō te hapori, hei whakakapi i ngā whakatairanga