Kaupapa: Nelson Mandela

Kua maumaharatia a Mandela ki te Taiwhanga Tākaro o Waikato

  • Waikato/Te Waiariki

Mō te wā whakamutunga, tōrengi atu ai a Tama nui te rā ki runga i te kōtuku rerenga tahi, i a Nelson Mandela, i a ia e tanumia ana ki tōna ūkaipō, ko Qunu, i Āwherika ki te Tonga.

Heoi anō rā, he hokinga tēnei mō tētahi hunga ki te wāhi i tīmata ai tō rātou whawhai i ngā tikanga momotu iwi o Āwherika ki te Tonga.

Hei tā John Minto, “Mōhio pū tātou he tangata whai mana.  Ko ia te tino pouārahi i roto i ēnei mahi, ā, i whakaawe i a ia tōna ake iwi, ā, te ao huri noa.”

I te whiunara kāwanatanga e whakahaerehia ana i Āwherika ki te Tonga, i whakarauika anō te iwi nui ki runga i te taiwhanga o Waikato ki te poroporoaki i tēnei rangatira me āna mahi.

Ā, hei tā Minto, ko te tino take o tēnei huihuinga he karo i ngā aupēhitanga o te ao hurihuri, ā, he whakahōnore i te whakatakanga ā tēnei kura taioreore.

Te āhua nei, kua ea.