Kaupapa: Environment

Kua mana te tono a Anadarko ki te tiro hinu kei ngā tai o Pōneke

  • Te Whanganui-ā-Tara

I tērā tau i whakaaetia ngā tono a tētahi Kamupene Keri Hinu a 'Anadarko Petrolium' o Amerika, kia tirohia te hinu o ngā wai o 'Pegasus', kei waho, kei ngā tai atu i Pōneke.

Kahore anō kia whakatauria āhea ka tīmata ngā mahi rangahau nei, engari, e matapae ana ka tīmata ngā mahi keri hinu a 'Anadarko' ki ngā wai hohonu i waho atu o Taranaki, o Waitaha hoki a te raumati kei te heke mai, ā, e noho āwangawanga ana ētahi. 

Koia tenei ko te Puna o Pegasus, engari, ā tōna wā, ka tīmata ngā mahi rangahau a Anadarko.

Hei tā tētahi kaitono a Mana ki te Kaunihera ā-Rohe o Pōneke, me whai whakaaro anō kaunihera ā-rohe, kia rāhuitia ai ngā mahi keri ki ngā wai hohonu.

Kua puta ngā rautaki a Anadarko, ā, ka tīmata ngā mahi keri hinu, hau hoki ki ngā wai hohonu o Taranaki o Waitaha hoki, a te Noema, Tihema raini.

Ā, e meinga ana ngā kaiarataki i ngā tiaki i te taiao, horekau he ahunga mahi ka taka mai ki te hunga o Aotearoa i ngā mahi keri ki ngā wai hohonu.

Kua tokatūmoana nei ngā whakaritenga mō Taranaki me Waitaha, ā, te āhua nei, e taro ana te rere o te toki ki a Pegasus.