Kua mana te hiahia a Glencoal

Heeni Brown
  • Waikato/Te Waiariki

Ahakoa te kaha o te whakahē, kua whakaae Te Kaunihera o Waikato me Te Kaunihera ā rohe o Waikato kia keri māina a Glencoal Energy Limited, te manga kamupene o Fonterra ki te takiwā o Mangatangi.

Ko te whakapae nā te whenua whitu tekau eka te rahi na Glencoal Energy Limited o Fonterra i tonoa kia keri waro, nonaianei kua whakaae kia keri i ā rātou te whitu rau mano tōne mo te tau kotahi.

I tēra marama ki te Marae o Mangatangi, whakarongo ai tētahi komihana-motuhake ki ngā tono a te hunga ki tā Glencoal hiahia.

Ko ngā nawe i puta, he mea tirotiro i ngā taimahatanga a te maina o Mangatangi ki runga i te hapori me te taiao.

Waru tekau ma rua katoa ngā tono a te hapori i tae atu ki Te Kaunihera o Waikato, he whitu tekau mā rua o ēna e whakahē ana i ngā mahi keri a Glencoal. Whakawhiti atu ana ki Te Kaunihera ā rohe o Waikato, he kotahi rau rua tekau mā whitu ngā tono i tae atu ki a rātou - he kotahi rau tekau mā waru o ēna e whakahē ana i ngā mahi keri maina a Glencoal.

Kua whakaaetia te maina a Glencoal e ngā Kaunihera e rua o Waikato,

engari e tuia ana ki te whakatau me whakaea ngā nawe taiao me ngā nawe hauora.

Hei tā Fonterra, ka whēke tonu rātou ki te korero ki te hapori o Mangatangi, na, e anga atu ana a Fonterra ki te pūmau ki ngā tikanga o te ture rauemi whenua.

Ka mutu pea ko ngā pakanga a te mana whenua ki a Glencoal i reira,

i uia hoki e mātou ētahi o ngā kaipāmu kei taua takiwā hoki ko ta rātou kua oti te huarahi pakanga ki a Glencoal.