Kua mahi tahi Te Kura ā Iwi o Tapuika rātou ko KIWI CAN ki te panoni i ngā raru whakaweti

Mere McLean
  • Waikato/Te Waiariki

Ko te panoni i te kai-whakaweti, hei hoa te whāinga o te kaupapa a KIWI CAN hei haukoti i te mahi whakaweti ki rō kura. Ā, nō tana urunga atu ki Te Mātai, Te Kura ā-Iwi o Tapuika, kua tino heke haere te mate nei.

Ko te rā whakamutunga tēnei i mua i ngā hararei, ka kati te kura o Te Matai, Te Kura ā Iwi o Tapuika mo te rua wiki.

Engari i ngā rua tau ki muri, he raru nui i rewa ki te kura, ko te raru whakaweti. 

E ai ki tēatahi o ngā tauira ko Materori Wihapi, “He harikoa ngā tamariki inaianei, kāre he ahua kino, um, he tino pai ngā tamariki ki te takaro i te taha o ētahi atu.”

Ko Materori tētahi o ngā tauira i rongo i te kino o te whakaweti ki taua kura.  i ngā tau e rua ki muri i uru mai te kaupapa o KIWI CAN hei whakatika i te raru.  

Ko tā tētahi o ngā kaiako ko Karu Rangihau, “Ngā momo kaupapa kei a rātou, ka hāngai tonu nei ki wā tātau ūmaia o te kura, koira te mea pai, hei tauira, ā, ko tētahi o ngā umaia ko te tū rangatira.”

Ka mahi tahi a KIWI CAN i te taha o te kura, ma te whakarite kaiārahi hei taura here, kia huri te kaiwhakaweti, hei hoa, ko tā Dan Allen-Gordon kaiwhakarite ā rohe mo KIWI CAN, ma te haukoti i te raru te whainga.

I puta ki roto i tētahi o ngā pūrongo ERO a te kura, he raru whakaweti tō rātou, engari i tēnei kua huri ngā taero a Kupe.