Kaupapa: Prison

Kua kuhu te tākaro ki-o-rahi ki tētahi whare herehere hei akiaki i ngā mauhere kia whai i tētahi huarahi pai ake

Aroha Treacher
  • Te Tai Rāwhiti

Kua timata te ako Ki o Rahi i te whare herehere ki Te Matau a Māui, kia whai ngā mauhere taiohi i tētahi huarahi pai ake. Koinei anake te whare herehere i Aotearoa e whakahaere nei i tēnei hōtaka. I tae atu a Aroha Treacher ki tā rātou whakaharatau tuatahi. 

I te whare herehere nei, kei te tākaro tuatahi ēnei taitama i te kemu tawhito rawa ki Aotearoa - ki-o-rahi.

Ae, ko ki-o-rahi tēnei, engari, kua āhua rerekē, nā te mea, tē tāea e ēnei taitama hara te rutu mō tēnei wā, me horo kē ko ngā waewae, kia whai mahere rautaki tākaro hoki.

He tekau mā ono ki te rua tekau te pakeke o rātou mā, otirā, mēnā ka tau te whanonga, ka tāea e rātou te whakaharatau e toru ngā rā o te wiki mō ngā marama e toru.

Ko ngā tikanga me ngā tikanga manaakitanga e whangai atu ana ki a rātou mā tēnei hākinakina, ko te whai o te tari kia tīni i te waiaro o ēnei mauhere inā puta ai rātou i te whare herehere.