Kaupapa: Kōhanga Reo

Kua karangahia e Kingi Tūheitia he hui me ngā Kōhanga Reo o Mataatua, Tauranga

Mere McLean
  • Waikato/Te Waiariki

Ka haere nga kōhanga reo o Mataatua, Tauranga moana ki te hui Kōhanga Reo kua whakaritehia e Kingi Tuheitia ki Turangawaewae hei te mārama e tu mai nei. He haerenga tenei kia tau ai ngā nawe e pā ana ki te Kōhanga Reo.  I te wiki ka huri i hui tahi ai a Kingi Tuheitia me ētahi mai te rohe ki Tuteao Marae, i tenei ra e tautoko ana te rohe i te karanga.

I tae ngā kita no ngā Kōhanga Reo o Mataatua, Tauranga moana ki te hui ngātahi.

E ai ki tētahi o ngā māngai oTauranga Moana,Te Wheoro Rangikotua, “Kua eke ki te toru tekau tau ahau e kawe ana i te kaupapa me taku mamae aroha ki ngā ahuatanga i puta i tērā tau.”

O ngā kaupapa i whārikihia i te rā nei, kotahi te mea matua. He whiriwhiri i te tono a Kingi Tuheitia kia tae a-rōpū rātou ki Turangawaewae Marae hei tēra marama ki te korero i ngā take e pā ana ki te Kohanga Reo.

Ko tā Te Waiarani Harawira o Ngāi Tuhoe, “koinei ta mātou hui tuatahi i tenei tau, ki te whakakao mai ano a Tauranga i a Mataatua, Tauranga Moana.”

E rima tekau nga Kōhanga Reo mai i nga purapura o Mataatua/ Tauranga moana i taeki Tūteao Marae. I te wiki ki muri, i tae atu a Kingi Tuheitia ki te whakatakoto i te pohiri kia tae te rohe ki Turangawaewae Marae hei te tekau ma tahi o Paengawhawha.

Kua whakaetia te tono, heoi, ko te whakahau a Mataatua, Tauranga, ka ū tonu ki tā rātou e whakapono ana, arā, kia tika, kia pono ngā mahi a ngā kaiwhakahaere o runga.

Ko Kingi Tuheitia tērā i karanga ki nga iwi hei whakaū i te mana motuhake ki te wai Māori - Ko Kingi Tuheitia ano tēnei e pōhiri ana ki ngā kōhanga reo o te takiwā.