Kaupapa: Kapa Haka

Kua kake te kounga o ngā mahi haka a ngā kura tuatahi ki Tauranga

updated Mere McLean
  • Waikato/Te Waiariki

Kua kake te kounga o ngā mahi haka ki te whakataetae kapa haka kura tuatahi ki te rohe o Tauranga moana i tēnei rā, e ai ki tētahi o ngā kaiwhakawā. 

Inā ngā whakaharatau i ngā wiki ki muri mo Te Kura Kaupapa Māori o Otepou Tuakana, ā, kua tae ki te wā kia whakaatu atu ai o rātou nekehanga.

E ai ki tētahi o ngā kaiwhakawā he whakataetae tēnei e whakatipu rangatira ana mo āpōpō.

Tekau mā toru ngā rōpū i tū i tēnei rā nō ngā kura o Tauranga Moana. Mo te heamana o te Kōmiti e whakahaere ana i tēnei whakahuinga i tēnei rā ko te tino whainga kia tipu te aroha mo ngā mahi haka.

E whakarite ana a Te Matapihi - Te Paeroa i mua i to rātou tūnga whakamutunga, ā, koinei tētahi o ngā kura pakeke o te rohe o Tauranga.

I tēnei rā he whakaaturanga motuhake to rātou me te wawata ia kia kapo i ngā whatu o ngā kaiwhakawā.

Mai tēnei whakataetae, e rima ngā kura ka tohua hei kanohi ki te whakataetae Kura Mana Tahi ka tū ki roto i te rohe o Rangitane hei te tau rua mano tekau ma rima.