Kaupapa: Entertainment

Kua huraina te kaupapa rangatahi, arā ko East Heart Unplugged

Wepiha Te Kanawa
  • Tāmaki Makaurau

I huraina te wānanga o East Heart Unplugged i tēnei rā, he wānanga tēnei mō te hunga rangatahi Māori, nō ngā motu hoki o te rawhiti o Tāmaki Makaurau.

Ko te waiata te rauemi e whakamahia ai hei whakawhanake i a rātou, ā, he whakahau hoki i te tūkino tangata.

Koinei pea ētahi o ngā manu tīoriori o Tāmaki hei ngā tau e tū mai nei, ā, kua tae mai ki te marae o Te Noho Kotahitanga ki te Whare Wānanga o Wairaka i Tāmaki, ki te whakawhanake i a rātou pūkenga waiata.

He ākonga ēnei nō Ruapōtaka, ā, nō ngā iwi maha.  Ā, ka whai wāhi rātou ki te ako i raro i ngā kaiwaiata rongonui pērā ki a Majic Pāora rāua ko Jerome Cowley.

He whakapakari i ngā pukenga waiata te mahi a ēnei rangatahi, ā, ka waiho mā ngā kupu i roto i ngā waiata e pāoro i ngā karere tūkino tangata.

Hei ngā rā e toru e haere ake nei, ko te tito, me te hopu reo kei mua i te aroaro.