Kua huraina mai ngā haki e whā

Heta Gardiner
  • Te Whanganui-ā-Tara

Ko ngā haki e whā ērā i huraina mai i te ata nei i Te Papa, ki Te Whanganui-a-Tara.

I te tīmatanga, he 10,000 ngā tāpaetanga hakī, ā, i whakawhāitihia ki te 40, kātahi ka puta ko ngā haki e whā i te rangi tonu nei. Nā te rōpū kohuki haki te whakatau i mea ake, ā, e whā ngā haki hei whiriwhiri mā Aotearoa whānui. 

E rua ngā haki i waihangahia mai e Kyle Lockwood.

Hei te mutunga o tēnei tau tū ai he wā kōwhiri e taea ai e te marea te kōwhiri i te haki pai ki a rātau. Ko te haki kua whai i te nuinga o ngā pōti ka whakataetae atu ki te haki mohoa a Aotearoa i tētahi wā kōwhiri anō hei tērā tau. 

Kei tā mātau karere, kei a Heta Gardiner te roanga ake o ngā kōrero a te pō nei, 5:30pm.