Ngā kaupapa: Iwi Settlements, Treaty Settlements

Kua hui tahi a Ngāti Hine me te Minita Take Tiriti

  • Te Tai Tokerau

Kua roa te Rūnanga o Ngāti Hine e kawe ana i āna ake kaupapa hei painga mō te iwi, penei i ngā kaupapa Hauora, mahi Toko i Te Ora tae rawa ake ki ngā mahi ngahere, a, na to rātou tupuna whakahī tonu a Maihi Kawiti, te rūnanga i timata ake i te mutunga o te rau tau 1800.

Hei tā Waihoroi Shortland, "Ka mahi a Ngāti Hine, kia mau tonu tona mana, tona reo, kia riro mana ano ia e kōrero.”

I hui tahi te Minita Take Tiriti a Chris Finlayson me ētahi o ngā mema o Ngāti Hine, ā, i whai wāhi rātou ki te whakamōhio atu i tōna ahei ki te kawe i āna ake whakatatunga kereme. Hei ta Te Waihoroi Shortland, ko Ta te Minita, ka wanangatia o rātou nawe, a, taaria te wa, ka puta he whakahoki.

I te tau rua mano ma wha, i raro i te Ture Hao Ika Māori, ka wehe atu a Ngāti Hine i te Runanga a Iwi o Ngāpuhi, hei iwi motuhake e oti te whiwhi i āna ake rawa hao ika Māori. Heoi, kua mate rātou ki te kimi ara kē hei kōkiri i tā rātou kerēme tiriti.

Kua tuku atu te Iwi o Ngāti Hine i tetahi tono mō āna nawe e pa ana ki te mana whakatatu kereme mō Ngāpuhi, kua tohua e te Karauna, arā a Tuhoronuku ki mua i te aroaro o te Taraipunara.

Kahore ano kia puta he whakataunga i te Taraipunara, mena ka tirohia te take e rātou, hoino, ka tu te wahanga tuku i ngā tono tiriti a Ngāti Hine mō te Kereme o Te Paparahi o Te Raki a te Marama o Akuhata.