Kua hono te waka hourua Māori o Te Matau a Māui ki ngā iwi Moriori

Aroha Treacher
  • Te Tai Rāwhiti

Ka tere atu ngā kaitere waka o te waka houroa Māori o Te Matau a Māui ki te moutere o Rēkohu kia tātai ai ō rātou hononga ki ngā iwi Moriori mō te wā tuatahi.

Ka riro mā ngā tikanga whakatere waka o onamata ngā kaiwhakaterewaka tekau mā rima e arataki atu.

He whā rau ngā maero ā-moana te tawhiti o te haere ki te moutere o Rēkohu, otirā, ka tūtaki atu rātou ki ngā moriori o reira.

He whenumitanga te rōpū nei, pakeke mai, tamariki atu, he wāhine, he tāne hoki rātou. Otirā, he tātai hono tō ētahi o rātou ki te moriori.

Ki te noho i ngā waha pakupaku pēnei i tēnei me whakapai ake ka tika ngā mea katoa.

Ki te noho tau rātou katoa me ūpoko pakaru te whiu i ngā wā katoa.

He huarahi tēnei mō ngā tauhou ki te ao whakatere waka, he wāhi pai tēnei mō rātou ki te whai wheako i te ao whakatere waka.

E tumanakohia ana kia ora tonu o rātou hononga ki te moriori mā te whakatū haerenga ia tau.