Kua hono tahi te hapori ki te whakaora i te awa o Kārewarewa

Aroha Treacher
  • Te Tai Rāwhiti

E ai ki ngā rangahau, i tōna tekau mā rima tau kua hori, kua tipu matomato ngā mahere rautaki hei whakapai ake i te kounga o ngā awa o te motu. Kua hia nei ngā tau te awa o Kārewarewa ki Bridge Pā i Te Matau a Māui e whakaparuparutia ana, heoi, kua tīmata te takahia o te ara whakapaipai i a ia.

I whakapaipaitia te awa iti o Kārewarewa ki Bridge Pa i te rangi nei, nā te mahi o ngā tauira o te kura o reira ki te whakatō i ngā tipu Māori.

Mā ēnei tipu e whakaiti i te kino o ngā paitini i waiwaitia ki te whenua e ngā mahi ahuwhenua. He mahere rautaki nō Te Kaunihera a rohe o Te Matau a Māui kia puawai ai anō te awa.

Ka rere te awa nei ki te awa o Ngaruroro, ka toro atu ki ngā marae o Heretaunga whānui. He kāpata kai, engari, kua kore āna kai ināianei.

Ahakoa e kore a muri e hokia ki ngā kinotanga i pā ki tēnei awa, mā te whakatō o ngā rākau kotahi mano ono rau ki konei, ka tāea te whakapiki ake anō i te hā o te awa.