Kaupapa: Housing

Kua hoko whare a Nikau Housing Ltd mo nga uri o Rahui Pokeka

  • Waikato/Te Waiariki

Nō ngā rā tata nei, kawea ai e mātou ngā kōrero mō tētahi kamupene ā-whānau o Waikato, arā, Mo Nikau Housing Ltd, e hoko ana i ngā whare koporeihana tekau mā ono i Rāhui Pōkeka mā ō rātou ake uri nō te Marae o Matahuru. Ināianei, e hanga tūranga mahi ana te kamupene mā te hāpori whānui o Rāhui Pōkeka, i tā ratou rautaki whakatika i āua whare.

E whia ngā wiki a Clayton Osborne e noho noa. Engari kua whai oranga ia ki roto i a Nikau Housing LTD.

I ngā marama tata nei i hokona e Nikau Housing Ltd kia tekau mā ono ngā whare kaporeihana i raro i te ture mana hoko tuatahi nō te whakataunga Raupatu Whenua o Waikato Tainui, me tētahi rautaki kia whakahou i ngētehi o ngāua whare.

Hei tā Tawera Nikau, i aronui rātou ki ngā kaimahi e noho noa me ngā pūkenga mekemeketanga ki roto i a Rāhui Pōkeka.

Ko te pae tawhiti a Nikau Housing Ltd kia nui ake ngā tūranga mahi mo ngā uri o taua rohe.