Kua hoki a Adam Blair nō te kapa Kiwi ki tōna kāinga ki Whangarei

Tamati Tiananga
  • Te Tai Tokerau

He ihorei nō te wā kāinga o Whangarei kua whai wāhanga ki te ārahi i te haka a te kapa Kiwi i mua i te tukinga ki te tira o Hamoa a te Rāhoroi. E manawarū ana te tauira ō-mua o te haikura tamatāne o Whangarei ki tēnei hokinga atu ōna ki te taone i tipu ake ai ia.

He manawa piharau a Adam Blair i te Tai Tokerau

I pōwhiritia te kapa Kiwi e nga tauira nei i tetahi tauwhainga taki iwa ki te papatākaro o Kensington, te wāhi i takaro a Blair i tana taitamarikitanga.

Kua kitea e tōna koroua he whitu tekau mā iwa tau te pakeke a Pat Campbell, i te whakatipuranga o tana mokopuna. Hei tāna he tauira pai a ia mō tōna whānau.

He hokinga kainga tēnei mo te uri no Pangaru ki Papata a Adam Blair ka mutu, kua riro mā Blair raua ko Isaac Luke te haka e arahi hei tēnei Rāhoroi.

Hei tā Ora Kiwi, ““Te tokorua nei, me kī rā, kare he tangata tū atu i a raua mo te mahi haka. Na runga i tēra he honore nui mā Adam ki te whakaputa i ōna tikanga me ōna ihi kia kite e tōna iwi kei te mau tonu ia ki tōna taha Māori, me te mea anō he ataahua te kaihaka o Adam, he ataahua te kaihaka o Isaac mo ēra mahi.”

Hei ta Ora Kihi, kaiwhakaako tikanga Māori mo te kapa Kiwi, ko te kaupapa He Iwi Kiwi mo Rīki Aotearoa whānui, he mea paihere i te katoa.

Kaore e kore he wā motuhake, wā whakahirahira tēnei mō Blair, otira mō Kevin Proctor, he nohonga whakapapa ta Proctor ki a Ngāpuhi.