Kua hoha katoa te hapori o Pipiwai ki te puehu a ngā taraka

Dean Nathan
  • Te Tai Tokerau

Ko te maha o ngā taraka kawe tuporo rakau ki nga rori o te takiwa te putake o nga korero ki tētahi hui kua karangahia e te kaunihera a rohe o Whangarei.

He rori e whakawhiti ana i ngā rohe takiwa o te kaunihera o Whangarei me te Kaunihera o Te Taitoikerau ki te Raki, i oho pai ngā mana kawana i tera marama i te kapinga o te rori o Pipiwai e te iwi kainga ki ngā taraka kia kore ai ngā puehu e peka atu ki o rātou kainga noho.

Hei tā Poncho Peihopa, “Mea atu kia rātou e turoro ana matou I reira e kore ngā korokē nei e whakapono engari aianei pea I tēnei ra kua whakapono mai kia matou.  Ka patai mai kia hāere mai matou ki tēnei hui ā tino harikoa te ngakau, kua tati rātou te whakarongo mai ae.”

Ara atu ano ngā rori o te rohe whanui e kii ana i ngā taraka kawe tuporo rakau. Na te turoro hoki o ngā whānau I tera tau ka mau mai he mihini whakamatautau i te matotoru o ngā puehu e rere ana i te takiwa.

I te rā nei kihai hoki matou i ahei ki te whakāhua i te hui tuatahi a te ropu motuhake o ngā reo hauora, ngā pirihimana ngā kamupene kawe rakau me te iwi kainga kua whakaturia kia rapu ake i tētahi rongoa.

Ma te wa e kite ai mehemea ka rite ai kia pai ai te noho o ngā whānau i te taha o te rori.