Kua hipa Te Pire Haeata ki Parihaka i tana pānuitanga tuatahi ki Pāremata

Te Kapa ā-Tihi - Rereātea
  • Te Tai Rāwhiti

Nō nā tata nei hipa ai Te Pire Haeata ki Parihaka i tana pānuitanga tuatahi ki Pāremata , ā, hei tā Kelvin Davis, he tutukinga nui tēnei e tika ai ngā hē o inamata. 

E pupuru ana te pire nei i ngā kōrero mō Te Kawenata o Rongo, arā, i waitohua i Parihaka i te Pipiri o tērā tau.

Ko tōna ito, he whakapūmau i te whakapāhā ōkawa hei ture, he mau hoki i ngā kōrero mō ngā ture Pāremata i whakamahia e te karauna hei whakamutu ake i tā Parihaka ātete i te rirohanga atu o ō rātau whenua ki Taranaki.