Kaupapa: Parekura Horomia

Kua hinga te tōtara haemata, a Parekura Horomia, ki waenga tonu i tōna whānau

  • Te Tai Rāwhiti

Te toki kua noho ki taua tūranga nō te tau iwa tekau ma iwa, ā , koia hoki te Minita Take Māori no te tau rua mano mā rua ki te tau rua mano ma waru.

Nō te rā nei, puta ai te kii a te whānau kei te māuiui ia, engari katahi tonu nei ka pā mai te rongo, i hinga ia i te ahiahi tonu nei.

Ono tekau mā rua te pakeke o Horomia ā kua roa nei ia e pakanga ana ki ētahi raru hauora.

He nui ngā mahi kua tutuki a ia ki te whakamana i ngā uri Māori o tōna rohe.

I noho tahi a Shane Jones me te whānau o Parekura, ā i kōrero ia kia Te Kāea mo tēnei ahuatanga tino pouri mō tōna whānau mō te ao tōrangapū hoki.