Kua hinga te tōtara haemata o Taranaki, a Sam Jackson

Heeni Brown
  • Te Tai Hauāuru
  • Te Whanganui-ā-Tara

Kua hinga te kaumātua o Taranaki Whānui me Te Āti Awa, nā Sam Jackson, e waru tekau tau tōna pakeke, i te hohipera inapō, whai muri i tana pānga ki te mate inā tata nei.

Hei tā Celia Wade-Brown, kahika o Pōneke, he wairua manako, he wairua whakakata tangata, he tangata aroha ki te tangata ahakoa ko wai, kua ngaro nei.

He pou matua a Sam Jackson i ngā whakataunga kerēme mō Te Whanganui a Tara,

Nā, i whakawhiwhia ki te whānau Jackson te tohu hei mema ki te kāhui kahurangi mō a rātou whakapau kaha i roto i te hāpori.

He kaumatua a ia mō ngā iwi o Taranaki Whanui ki Te Whare Kāwana, me tāna he mihi i nga manuhiri i reira.

Kātahi rā, ko ia hoki te tangata i mihi i te manu rongonui a Prince Charles. 

He tino kaumatua a ia mō te katoa o Te Whanganui a Tara, ka kore e wareware ki tāna i whakatutuki ai.