Kua hikipapa anō Te Wānanga Takiura

  • Tāmaki Makaurau

Kua hikipapa anō Te Wānanga Takiura o ngā Kura Kaupapa Māori, i te huarahi o Margot i Newmarket, ki te takiwā o Royal Oak.

E ai ki ngā kōrero nā te maha o ngā raru mō tō rātou whare ō-mua, te take i hūnuku haere ai rātou ki te kimi kāinga tūturu mō ngā tau. 

He huihuinga ka tū ia Rāmere i waenga i ngā tauira whai mātauranga hei kaiako i roto i ngā Kura Kaupapa Māori, me o rātou nei pouako, heoi kei te hihiko ngā wairua me ngā ngākau i te Wānanga Takiura nā te mea kua tau nei o rātou pakiaka ki tō rātou whare hōu, he hokinga ki tō rātou ūkaipō, i Royal Oak.

I te tau rua mano mā iwa, ka hikipapa te wānanga ki te puku o te taone o Newmarket, ā, kāre i roa ka hūnuku anō ki waho ake o Newmarket ki te ara o Margot.

Heoi tērā tētahi raru i pā ki a rātou, ko te apo a te kaipupuri ki te moni, te take i neke ano ai rātou, me kii rā kua tau tūturu ināianei.

Otira, ahakoa kāre anō kia pau te rua wiki i roto i tō rātou whare hōu, kei te rongo i te mahana, me te wairua Māori o tēnei whare, hei arataki i ngā tauira ki te tutukitanga o ngā moemoeā.