Kua hāoa ngā āpiha Manatū Ahu Mahi i ngā arumoni hao ika i Te Matau a Māui

Aroha Treacher
  • Te Tai Rāwhiti

Kua hāoa e ngā āpiha o te Manatū Ahu Mahi i ngā arumoni hao ika rua tekau neke atu i Te Matau a Māui me Māhia. 

He mahi hei aukati i te mākete pango mō te hoko huna i ngā pāua me te koura.

Kei te kimi taunakitanga ēnei āpiha o Operation River, he kōtahi tau te roa rātou e whakapau kaha ana ki te aukati i ngā mahi hoko huna.

Hei ngā rā kei te heke mai ka tiro hōmiromiro atu ngā āpiha ki ngā raihana ahumoana tikanga māori nei kia kite ai mēnā rānei kua hara, inā hoki me kaua ngā raihana e whakamahi mō te whai pūtea.

E ai ki a Ngahiwi Tomona, “Kāore te iwi e mātakitaki ana ki ngā take e pā ana ki ngā customary permits, engari tautoko mātou i ngā hapū katoa, kia tuku i ngā permits kia kohikohi kai mō ngā kaupapa Māori mehemea ehara ētahi o ngā kaikawe permits ko tēnei he mea hei patu i te tikanga me te mana.”

Toru tekau mā tahi ngā tāngata kua uiuitia e ngā āpiha o te Manatū Ahu Matua i te whakatewhatewhanga o ngā mahi hoko huna i te paua rua tana te nui me ngā koura ono rau.

Koinei te whakatewhatewhanga tuarua kua hua ake ki te rohe nei i te tau kua horī.

Kua whai mātauranga ngā āpiha i ngā mahi hoko huna i Te Matau a Māui mai i te Poutū-Te-Rangi o tērā tau.