Kaupapa: Crime

Kua hanga rautaki a Ngāti Porou kia whakaheke i te rahi o āna uri kei ngā whareherehere

By Aroha Treacher
  • Te Tai Rāwhiti

Kei te upoko pakaru te whiu a Ngāti Porou ki whakaheke i te rahi o āna uri i mauheretia, e ai ki ngā tatauranga kei te teitei rawa atu te nama o ngā tāngata hara nō Ngāti Porou.

Nā reira, kei te whai rongoā rātou mā te mahi ngātahi ki ngā pirihimana, i whakarewaina tētahi Community Justice Panel Pilot i tō rātou rohe.

Kua rangitāmiro mai ngā pirihimana nō ngā tōpito o te motu ki te pātūwatawata o Ngāti Porou ki te whakawhitiwhiti kōrero me pēhea ētahi atu iwi o te motu e hāpai i o rātou uri.

Ko tētahi o ngā tikanga i whakamanahia e Ngāti Porou, ko te hononga mai o Juanita Timutimu, koia te pou pirihimana tuatahi i whakakī  tētahi tūranga mahi ki tētahi rūnanga Māori puta noa i te motu.

Ko tētahi atu mea i whakaritea hei whakaiti iho i ngā uri Māori e mauheretia ana, ko ngā iwi justice panels, he kaupapa nā Te Manatū Ture, Te Ara Poutama me ngā pirihimana. E toru ēnei hōtaka i whakarewaina i te Hereturikōka ki Waiwhetū, Ngāti Porou me Counties-Manukau.

Ko te ia o ngā Communtiy Justice Panels kia kore rawa te ringa o te ture e whiua ki Ngāi Māori mō ngā hara mana iti, me whai rongoā kē te tikanga.  He tekau mā rua marama te roa o ia hōtaka, ki te angitū, ka whai tūranga pea ngā pirihimana ki ētahi atu rūnanga.

Tuaritia: