Ngā kaupapa: Australia, Indigenous

Kua haka mai ngā uri Māori kei Poihākena ki te whakaatu i tā rātou tautoko mō te iwi moemoea

  • Ahitereiria

Kua hono tahi ngā uri Māori kei Ahitereiria me te Iwi Moemoea ki te whakahē i te hiahia a te kāwanatanga ki te kati i ngā hapori taketake kei te Hauāuru o taua whenua.

E hia rau te hunga i whai wāhi ki tētahi hikoi whakahē i tērā wiki ki Poihākena,  i timata mai i te pāka o Belmore, i hikoi tahi ki te wāhi puni o ngā uri moemoea ki Redfern. 

Kua kaha piki ake te nuinga o ngā tāngata kei ngā whenua katoa o te ao, ā tinana, ā ipurangi hoki e tautoko ana i te iwi moemoea me tā rātou whai ki te pupuri  tonu i te mana kia noho a rātou uri ki ngā hapori tuawhenua. Tāpiri atu ki te hīkoi i Poihākena, i hikoi tahi tētahi ope nui ki Poipiripiri

I te hikoi whakahe i tu kaha ētahi uri Māori ki te haka, kia whakaatu atu ki te marea i tā rātou tautoko mo ngā whanaunga taketake kei reira.

I tuaritia te ripene o taua haka ki runga i a Puka Mata, ka tāea te mātakitaki mā te whai i te hononga ki raro nei.

https://www.facebook.com/video.php?v=10153603680311953&fref=nf

Ahakoa kua noho mū te Pirmia o Aotearoa, a John Key mo tēnei take, kua kaha kē ngā mema paremata Māori ki te whakahe i ngā mahi o te kāwana o Ahitereiria, ki te tautoko hoki i te mana o ngā iwi moemoea ki te noho tonu ki roto i a rātou hapori tuawhenua.