Ngā kaupapa: Housing, Welfare

Kua aro atu te Kāporeihana Whare ki ngā aue a tētahi kuia

  • Tāmaki Makaurau

Nā te aronga kore o te Kaporeihana Whare ki a ia i auē mai a Aroha Hare ki a Te Kāea kia rongohia ai āna nawe, me tana hiahia kia whakatikahia tōna whare, kia kimihia rānei he whare hōu mōna.

Kei te heke te hauora o te kuia e whitu tekau ma toru tau te pakeke, kei te māuiuitia ki te mate toto, kāre e taea te hīkoi, ā, i te whawhai a ia ki te Kaporeihana Whare mō ngā hēmanawatanga o tōna kāinga, e tino pēhi nei i a ia.

Ko tā Aroha Hare ko te raruraru o tōna whare e mākū kē ana, ā, nā taua āhuatanga kei te kaha kino haere tōna māuiui, heoi ko tōna whakapae kāore te Kaporeihana i te paku aha.

I whakapā atu a Te Kāea ki Te Kaporeihana Whare, ā, ko tā rātou, ka tirohia e rātou tēnei take.