Kaupapa: Christmas

Kotahi rau te hunga kua whai wā me tētahi pou niho mo te kore utu

Te Kāea
  • Tāmaki Makaurau

I tukuna a ‘Dentalcare West’ i te ratonga kore utu mō ngā turoro kotahi rau tuatahi i tau atu e ai ki te takuta Māori a Takuta Scott Waghorn o Ngāpuhi me Ngāti Raukawa, ahakoa te pūtea tautoko mai te Kawanatanga, he nui tonu te utu mō te whakatika niho.

Ahakoa ko te Kirihimete te wā ka tino whai rawa ngā wāhi tiaki niho, i te hiahia tonu a Takuta Waghorn ki te whakahoki i te aroha ki ngōna turoro maha e kaha nei te tautoko i ai a, nana i tono atu ki ngōna hoa mahi mō te tautoko i tēnei koha.

Koinei te tau tuatoru kua whēnei a Takuta Waghorn, i te tau tuatahi 350 ngā turoro i tae mai, mai i Kataia tae atu ki Kirikiriroa, i tēnei tau, kua aro kia Tāmaki i te uru.

I tēnei tau i whakarite e Takuta Waghorn i te kaupapa 'Smile Plan', Korekau he moni hua, whitu tara ia wiki te utu mō te tiaki ngā niho katoa, ko te kirimana mō tenei, ko te pono me te tika.